Mbretëria e Danimarkës dhuroi edhe 420 ekzemplarë për bibliotekën e FSK-së
Nga: Remzie Zeqiraj, Ministria për Forcën e Sigurisë së Kosovës
Në kazermën ,,Adem Jashari” të Komandës së Forcave Tokësore(KFT) të Forcës së Sigurisë së Kosovës, në Prishtinë, në prezencën e zëvendësministrit të FSK-së, Bejtush Gashi, shefit të Shtabit të KFT-së, kolonel Naim Haziri, kolonelit Ertan Varlik, shef i mentoruesve të KFOR-it në FSK, oficer dhe ushtarë ,është pranuar donacioni i dytë i 420 ekzemplarë librash nga Mbretëria e Danimarkës.
Zëvëndësministri Bejtush Gashi falënderojë Mbretërinë e Danimarkës në emër të ministrit të FSK-së për ndihmën që po japin në vazhdimësi Forcës së Sigurisë së Kosovës duke kontribuar në shumë fusha me donacione për FSK-së si në trajnime të ndryshme dhe mbështetje të pakursyer .
Me fjalë rasti në emër të donatorit nga Danimarka e ka mbajtur mentoruesi danez nënkolonel Holger Fuglsang Dangard i cili tha se pas donacionit të parë të librave, donacionit me pajisje për zjarrfikje ,trajnimit të Njësisë Ndërlidhëse për Reagim në Kriza është ky donacioni i radhës me libra të lëmesë ushtarake mbi teknikat e luftës,pajisjet ushtarake dhe histori të luftërave e që më vonë do ta plotësojmë këtë bibliotekë edhe me libra specialistike.
Kolonel Naim Haziri theksoj rendësin e këtij donacioni dhënë Bibliotekës së FSK-së, duke falënderuar shtetin e Danimarkës dhe shprehu respektin e thellë të bashkëpunimit midis dy shteteve duke vlerësuar lartë rendësin e librit. Kolonel Haziri theksoj që; “Ne në kuadër të FSK-së, kemi të hapura dy biblioteka të cilat janë komplet donacion nga shumë shtëpi botuese dhe falënderoj të gjithë për kontributin që kanë dhënë në pasurimin e këtyre bibliotekave, dhe në të ardhmen do të hapim edhe biblioteka tjera, në të gjitha njësit e FSK-së, me qëllim të përgatitjes sa më të mirë të gjithë personelit të FSK-së.
Nënkolonel Shemsi Syla komandant i Njësisë Ndërlidhëse për Reagim në Kriza falënderoj të pranishmit dhe në veçanti Qeverinë e Mbretërisë së Danimarkës, për kontributin që po i jep FSK-së dhe në veçanti Njësisë të cilën ai e komandon.
|
|
Tweet |